ಸಾರಿಗೆ ಬಸ್ ಹರಿದು ಹತ್ತಕ್ಕೂ ಹೆಚ್ಚಿನ ಕುರಿಗಳ ಸಾವು!
POWER CITYNEWS :ಅಣ್ಣಿಗೇರಿ
ಹುಬ್ಬಳ್ಳಿ; ಇಂದು ಸಂಜೆ :7:30ರ ವೇಳೆಗೆ ಸಮೀಪದ ಹೊಲದಿಂದ ರಸ್ತೆ ದಾಟುತ್ತಿದ್ದ ಕುರಿಗಳ ಮೇಲೆ ಸಾರಿಗೆ ಸಂಸ್ಥೆಯ ಬಸ್ಸೊಂದು ಕುರಿಗಳ ಮೇಲೆ ಹರಿದ ಪರಿಣಾಮವಾಗಿ ಸ್ಥಳದಲ್ಲೆ 15ಕ್ಕೂ ಹೆಚ್ಚಿನ ಕುರಿಗಳು ಸಾವನಪ್ಪಿರುವ ಘಟನೆ ಅಣ್ಣಿಗೇರಿ ಹಾಗೂ ಭದ್ರಾಪುರ ಗ್ರಾಮಗಳ ನಡುವಿನ ಸೇತುವೆಯ ಬಳಿ ನಡೆದಿದೆ.
ಗದಗದಿಂದ ಹುಬ್ಬಳ್ಳಿ ಕಡೆಗೆ ಮುಖಮಾಡಿ ಹೊರಟಿದ್ದ ಸಾರಿಗೆ ಸಂಸ್ಥೆಯ (ಕೆಎ 26 f 0995) ಬಸ್ ಅಣ್ಣಿಗೇರಿ ಹೊರವಲಯದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ದುರ್ಘಟನೆ ನಡೆದಿದೆ. ಅಣ್ಣಿಗೇರಿಯ ಕುರಿಗಾಹಿ ಶಂಕ್ರಪ್ಪ ಮಾಯಣ್ಣವರ ಎಂಬುವವರಿಗೆ ಸೇರಿದ ಕುರಿಗಳು ಎಂದು ಹೇಳಲಾಗುತ್ತಿದೆ.ಕುರಿಗಳ ದಿಢೀರ್ ಸಾವಿನಿಂದಾಗಿ ಮಾಲೀಕ ಶಂಕ್ರಪ್ಪ ಕಣ್ಣೀರು ಹಾಕುತ್ತಿದ್ದಾನೆ. ಸದ್ಯ ಬಸ್ಸಿನ ರಭಸಕ್ಕೆ ಡಿಕ್ಕಿಯಿಂದಾಗಿ ರಸ್ತೆಯಲ್ಲಿ ಕುರಿಗಳ ಮಾಂಸ,ರಕ್ತ ಹರಡಿದ್ದು ನೊಡುಗರ ಎದೆ ಝಲ್ ಎನ್ನುವಂತಿದೆ.
ಇನ್ನೂ ಘಟನೆಯಲ್ಲಿ ಸುಮಾರು ಹತ್ತಕ್ಕೂ ಹೆಚ್ಚು ಕುರಿಗಳಿಗೆ ಗಾಯವಾಗಿವೆ ಎಂದು ತಿಳಿದು ಬಂದಿದೆ. ಈ ಕುರಿತು ಸ್ಥಳೀಯರು ಅಣ್ಣಿಗೇರಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಅಣ್ಣಿಗೇರಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪೊಲೀಸರು ತನಿಖೆಯ ನಂತರವೇ ಘಟನೆಗೆ ನಿಖರವಾದ ಕಾರಣ ಸೇರಿ ಕುರಿಯ ಮಾಲೀಕನಿಗೆ ಹಾನಿಯ ಕುರಿತು ತಿಳಿದು ಬರಬೇಕಾಗಿದೆ.
