ಐ ಇ ಎಮ್ ಎಸ್ ಎಂಬಿಎ ಮಹಾವಿದ್ಯಾಲಯದಲ್ಲಿ ಬಿ -ಐಡಿಯಾಟಿಕ್ ಬ್ಯುಸಿನೆಸ್ ಯೋಜನೆ ಸ್ಪರ್ಧೆ ಆಯೋಜನೆ

ಇನ್‌ಸ್ಟಿಟ್ಯೂಟ್ ಆಫ್ ಎಕ್ಸಲೆನ್ಸ್ ಇನ್ ಮ್ಯಾನೇಜ್‌ಮೆಂಟ್ ಸೈನ್ಸ್, ಹುಬ್ಬಳ್ಳಿ ಹಾಗೂ ದೇಶಪಾಂಡೆ ಸ್ಟಾರ್ಟ್‌ಅಪ್‌ಗಳ ಸಹಯೋಗದೊಂದಿಗೆ 26.07.2023 ರಂದು ಕ್ಯಾಂಪಸ್‌ನಲ್ಲಿ ಪದವಿ ವಿದ್ಯಾರ್ಥಿಗಳಿಗೆ ಬ್ಯುಸಿನೆಸ್ ಯೋಜನೆ ಸ್ಪರ್ಧೆ ನಡೆಸಿತು.

ಕಾರ್ಯಕ್ರಮವನ್ನು ಕಾರ್ತಿಕೇಯನ್ ಸಂತಾನಕೃಷ್ಣನ್ ವ್ಯವಸ್ಥಾಪಕ ನಿರ್ದೇಶಕರು- ಬಿಸಿನೆಸ್ ಎಕ್ಸಲೆನ್ಸ್, ಏಕಸ್ ಪ್ರೈವೇಟ್ ಲಿಮಿಟೆಡ್ , ಹುಬ್ಬಳ್ಳಿ ಅವರು ಉದ್ಘಾಟಿಸಿದರು, ತಮ್ಮ ಮುಖ್ಯ ಅತಿಥಿ ಭಾಷಣದಲ್ಲಿ ಅವರು ಕಲ್ಪನೆಯು ವಿಶೇಷವಾಗಿರಬೇಕು ಮತ್ತು ಇತರೆ ಸಾಮಾನ್ಯ ಜನರು ಊಹಿಸಬಹುದಾದ ಸರಳ ಕಲ್ಪನೆಯಾಗಬಾರದು ಎಂದು ಅಭಿಪ್ರಾಯಪಟ್ಟರು. ಕಲ್ಪನೆಯು ಉತ್ಪನ್ನವಾಗಿ ಹೊರಹೊಮ್ಮಿ ಗ್ರಾಹಕರಿಗೆ ತಲುಪಬೇಕು. ಕಲ್ಪನೆಯು ಅದರ ಮೊದಲ ಹಂತದಲ್ಲೇ ಯಶಸ್ಸನ್ನು ಊಹಿಸಬೇಕು, ಅದೇ ಸಮಯದಲ್ಲಿ ಕಲ್ಪನೆಯ ಮಾಲೀಕರು ಅದನ್ನು ಮಾಡಲು ಧೈರ್ಯವನ್ನು ಹೊಂದಿರಬೇಕು. ಕಲ್ಪನೆಯ ಉತ್ಪಾದನೆ ಮತ್ತು ಸ್ಕ್ರೀನಿಂಗ್ ಮಾಡಲು ಹಲವು ಉಪಕರಣಗಳು ಮತ್ತು ತಂತ್ರಗಳಿವೆ, ಅವುಗಳನ್ನು ವೃತ್ತಿಪರವಾಗಿ ಬಳಸಿಕೊಳ್ಳಬಹುದು ಎಂದು ಅಭಿಪ್ರಾಯ ಪಟ್ಟರು.

ಹುಬ್ಬಳ್ಳಿಯ ಕೈಜೆನ್ ಎಡ್ಯೂಪ್ಲಸ್ ಸೊಸೈಟಿಯ ಗೌರವಾಧ್ಯಕ್ಷರಾದ ಚಾರ್ಟೆಡ್ ಅಕೌಂಟೆಂಟ್ ಡಾ.ಎನ್.ಎ.ಚರಂತಿಮಠ ತಮ್ಮ ಅಧ್ಯಕ್ಷೀಯ ನುಡಿಗಳಲ್ಲಿ, ಆಲೋಚನೆಗಳು ವ್ಯಕ್ತಿ, ವ್ಯವಹಾರ ಮತ್ತು ಸಮಾಜಕ್ಕೆ ಮೌಲ್ಯವನ್ನು ತರುವಂತಿರಬೇಕು. ಯಾವುದೇ ಕಲ್ಪನೆಯು ಆರಂಭದಲ್ಲಿ ನಿಕೃಷ್ಟ ಎನಿಸಬಹುದು ಆದರೆ ಗ್ರಾಹಕರು ಅದನ್ನು ಒಪ್ಪಿಕೊಂಡಾಗ ಉದ್ಯಮದಲ್ಲಿ ಗೇಮ್ ಚೇಂಜರ್ ಆಗಬಹುದು. ಭಾರತವು ಸಾಕಷ್ಟು ಸೌಲಭ್ಯಗಳನ್ನು ಹೊಂದಿರುವ ದೇಶವಾಗಿದ್ದು, ಅವುಗಳನ್ನು ಸರಿಯಾದ ದಿಕ್ಕಿನಲ್ಲಿ ಸಾಗಿಸುವುದು ಮಾತ್ರ ಎಲ್ಲರಿಗೂ ಸವಾಲು ಎಂದು ಅಭಿಪ್ರಾಯ ಪಟ್ಟರು . ಪೇಟೆಂಟ್, ಕಾಪಿ ರೈಟ್ ಇತ್ಯಾದಿಗಳು ಸೃಜನಶೀಲತೆ ಮತ್ತು ನಾವೀನ್ಯತೆಗಳನ್ನು ವೈಯಕ್ತಿಕವಾಗಿ ರಕ್ಷಿಸಲು ಅವಕಾಶವನ್ನು ನೀಡಿವೆ.

ದೇಶಪಾಂಡೆ ಸ್ಟಾರ್ಟ್‌ಅಪ್‌ಗಳ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ.ಕಾರ್ತಿಕ್ ಶಂಕರನ್ ಸಮಾರೋಪ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿ, ವ್ಯಾಪಾರ ಕಲ್ಪನೆಯು ವಾಸ್ತವವಾಗಲು ತನ್ನದೇ ಆದ ಸಮಯವನ್ನು ತೆಗೆದುಕೊಳ್ಳುತ್ತದೆ, ಅದರ ಅನುಷ್ಠಾನದ ಬಗ್ಗೆ ಸತತವಾಗಿ ಪರಿಶ್ರಮ ಪಟ್ಟಾಗ ಮಾತ್ರ ಯಶಸ್ಸಿನ ಸಿಹಿಯನ್ನು ನೀಡುತ್ತದೆ ಎಂದು ತಿಳಿಸಿದರು.

ಐಇಎಂಎಸ್ ಮಹಾವಿದ್ಯಾಲಯವು ಉದಯೋನ್ಮುಖ ಉದ್ಯಮಿಗಳನ್ನು ಗುರುತಿಸಲು ಉತ್ತಮ ಹೆಜ್ಜೆಯನ್ನು ತೆಗೆದುಕೊಂಡಿದೆ ಈ ಮಧ್ಯೆ ದೇಶಪಾಂಡೆ ಸ್ಟಾರ್ಟ್‌ಅಪ್‌ ಅದನ್ನು ಪೋಷಿಸಲು ಬೇಕಾದ ಸವಲತ್ತುಗಳನ್ನು ಮತ್ತು ವ್ಯವಸ್ಥೆಯನ್ನು ಹೊಂದಿದೆ ಎಂದು ಹೇಳಿದರು . ಈ ಸ್ಪರ್ಧೆಯ ಪ್ರಮುಖ ಹತ್ತು ಬ್ಯುಸಿನೆಸ್ ಪ್ಲಾನ್ ಗಳನ್ನು ಮುಂದಿನ ಹಂತಕ್ಕೆ ದೇಶಪಾಂಡೆ ಸ್ಟಾರ್ಟ್‌ಅಪ್‌ ಮೂಲಕ ಮಾರ್ಗದರ್ಶನ ಮಾಡಲಾಗುವುದು ಎಂದು ಅವರು ಈ ಸಂದರ್ಭದಲ್ಲಿ ಘೋಷಿಸಿದರು.

ಕೆಎಲ್‌ಇ ತಾಂತ್ರಿಕ ವಿಶ್ವವಿದ್ಯಾಲಯದ ಎಸ್‌ಎಂಎಸ್‌ಆರ್ ಕಾಲೇಜು ತಂಡವು ಪ್ರಥಮ ಬಹುಮಾನ ರೂ.5000/- , ಕೆಎಲ್‌ಇಯ ಮೃತ್ಯುಂಜಯ ಕಲಾ ಮತ್ತು ವಾಣಿಜ್ಯ ಕಾಲೇಜು, ಧಾರವಾಡ ತಂಡವು ದ್ವಿತೀಯ ಬಹುಮಾನ ರೂ.3000/- ಮತ್ತು ಕೆಎಲ್‌ಇಯ ಸಿಬಿಎ(ಬಿಬಿಎ) ತಂಡವು ತೃತೀಯ ಬಹುಮಾನ ರೂ.2000/- ಜೊತೆಗೆ ಅಭಿನಂದನಾ ಸ್ಮರಣಿಕೆಗಳನ್ನು ಪಡೆದುಕೊಂಡವು.

ಸಮಾಧಾನಕರ ಬಹುಮಾನಗಳನ್ನು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಅಣ್ಣಿಗೇರಿ ಮತ್ತು ಸಮರ್ಥ ವಾಣಿಜ್ಯ ಕಾಲೇಜು, ಹುಬ್ಬಳ್ಳಿ ಗಳಿಸಿದವು.ಕಾರ್ಯಕ್ರಮವನ್ನು ಸಂಸ್ಥೆಯ ನಿರ್ದೇಶಕ ಡಾ.ವೀರಣ್ಣ ಡಿ.ಕೆ ಸ್ವಾಗತಿಸಿದರು, ಪ್ರೊ.ವಿನಂತಿ ನಾಯ್ಕ್ ಮತ್ತು ಪ್ರೊ.ಅಕ್ಷತಾ ಬಿಳಗಿ ಕಾರ್ಯಕ್ರಮವನ್ನು ಸಂಯೋಜಿಸಿದರು. ಮೌಲ್ಯಮಾಪನ ತಂಡದ ತೀರ್ಪುಗಾರರಾಗಿ ದೇಶಪಾಂಡೆ ಸ್ಟಾರ್ಟಪ್‌ನ ಶ್ರೀ ರಕ್ಷಿತ್ ಕಲ್ಯಾಣಿ, ಸುಪ್ರಿಯಾ ಎನ್.ವೈದ್ಯ ಮತ್ತು ಶ್ರೀ ನಾಗರಾಜ್ ಭಾಗವಹಿಸಿದ್ದರು .ಕಾರ್ಯಕ್ರಮದಾಲ್ಲಿ ಕಾಲೇಜಿನ ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.